In hierdie eerste episode van die Eerste Pioniers op Orania neem dr. Wikus Buys en ds. Gustav Opperman ons terug na die wortels van die Orania-denke. Ons bring eerstens hulde aan die harde werk van die vroeë pioniers, maar delf ook dieper in die oorspronklike gedagtes wat hierdie Afrikaner gemeenskap gevorm het.
Die gesprek verken die beginsel van selfwerksaamheid – die idee dat as ‘n gemeenskap ‘n demografiese meerderheid wil wees, sy mense hul eie werk moet doen. Hierdie logika lê aan die hart van Orania se strewe om nie net selfstandigheid te bou nie, maar ook ‘n gemeenskap en uiteindelik ‘n Republiek te vestig waar wetgewing, beginsels en waardes deur Afrikaners bepaal word. Hoe verskil hierdie benadering van ander modelle? En tog, watter universele waarhede vorm steeds die ruggraat van hierdie visie?
Sluit aan by hierdie boeiende gesprek oor die geskiedenis, uitdagings en toekoms van ‘n volk wat bou – met hande, harte en ‘n helder visie.